Veldu þraut, prentaðu út og finndu auðveldustu leiðina í gegnum völundarhúsið!

Á þessari síðu má finna völundarhús þar sem hægt er að fræðast um ýmis ferli í náttúrunni á borð við lífsferil vatnabjöllunnar brunnklukku sem á lirfustigi kallast vatnsköttur. Vatnskötturinn er líka einkennisdýr sýningar Náttúruminjasafns Íslands Vatnið í náttúru Íslands, sem staðsett er á 2. hæð Perlunnar, og honum má kynnast nánar þar.

Fleiri forvitnileg völundarhús er að finna á síðunni en með hverju og einu fylgir smá fróðleikur um viðkomandi lífverur og fyrirbæri í náttúrunni sem við hvetjum fullorðna til að lesa með þeim börnum sem ekki ná að lesa sjálf.