Umhverfi okkar er fjölbreytilegt og oft er talað um mismunandi landslagsþætti innan landslagsheilda eins og strandar eða hálendis. Landslagið hefur bæði stór og smá einkenni sem myndast á margvíslegan hátt. Hvaða einkenni sjást við ströndina, hvernig hefur hún mótast í gegnum jarðsöguna? Er ströndin skorin af fjörðum og víkum, eða er hún ávöl og slétt? Finnast klettar eða drangar, eða eru landslagsþættirnir mýkri og sléttari, með löngum fjörum og sjávarlónum? Sjást eyjar og sker frá ströndinni? Hvernig lítur fjaran út?