Kjarr er ósamfellt gróðurlendi með mismunandi stórum rjóðrum, lyngi og grösum. Birkiplöntur í kjarri hafa iðulega kræklóttan vöxt og þær eru lágvaxnar eða jafnvel jarðlægar. Í birkikjarri eiga alls konar lífverur heimili, blóm, grös, hvers konar lyng og aðrir runnar eins og víðir og fjalldrapi. Það getur verið gaman að setjast niður í miðju kjarri og hlusta á fuglakvak, suðandi flugur og finna angan af ilmandi blómum.