Út um allt land hafa þéttir og gróskumiklir skógar verið ræktaðir upp, með góðum göngustígum þar sem finna má margs konar lífverur. Skógarganga er skemmtileg og fræðandi útivist, þar sem svala má þekkingarþorsta og forvitni með hvatningu til að greina betur hið stóra og smáa á leið um skóginn. Tré, plöntur, fuglar og smádýr eru margs konar og umhverfi sem lítur kannski í fyrstu út fyrir að vera eins er við nánari skoðun fjölbreytt og margvíslegt.